domingo, 17 de diciembre de 2017

Polo nadal #arrincauneucalipto

Porque si algo nos sobran son eucaliptos, este ano, de arrancar algo para decorar as nosas casas polo nadal, fagámolo con eucalipto.


Esta é a orixinal campaña publicitaria que lanzaron dende o concello de Mazaricos e á que nos unimos dende a aula de primeiro.





Por suposto, animámosvos a tod@s a unirvos tamén 🎄🎄🎄

lunes, 4 de diciembre de 2017

O proxecto "Atrevéndonos a valorar o valioso" nas VIII Xornadas de Bibliotecas Escolares de Galicia

Pois así é! Fomos convidad@s pola Asesoría de Bibliotecas Escolares de Galicia a presentar o proxecto "Atrevéndonos a valorar o valioso" nas Xornadas de Bibliotecas Escolares. Este proxecto foi levado a cabo o ano pasado na aula de segundo en colaboración cunha aula de infantil do Felipe de Castro de Noia e outra de secundaria do IES Fontexería de Muros.





Unha experiencia moi grata da que queremos dar gracias á xente da Asesoría por ter en conta este proxecto levado a cabo con tanta ilusión.


Contamos ademais, entre o público asistente, con profes que pasaron polo noso cole e que sempre falan de nós con moito agarimo. Moitas grazas Fran ;)

jueves, 30 de noviembre de 2017

Primeiro Reto STEAM: Como unha pelota de ping-pong pode recorrer un recorrido dun metro exacto?

O pasado martes todos os alumnos/as e profes acudimos a Sala Castelao para a resolución do primeiro dos retos STEAM. O primeiro reto consistía en crear un percorrido polo que unha pelota de ping-pong recorrera un metro de distancia podendo pasar por tres superficies distintas.
Aquí vos deixamos a lista dos nosos superinventores deste mes!


Agora podedes ver un pequeno vídeo de como foron todos os recorridos polos distintos circuitos:


Moitisimas grazas a tod@s pola vosa participación!!

martes, 28 de noviembre de 2017

Recanto Maker en plena actividade

Parece que se nos queda pequena a mesa do recanto maker!! Hoxe déronse cita nela os bloques imantados Tegu, o LEGO, os LITTLE BITS e os ESCORNABOTS!

Día de experimentación total!

lunes, 27 de noviembre de 2017

25N: NON É NON!!

O sábado de 25 de novembro celebrase como todos os anos o día da loita contra a violencia de xénero. Dada a gran relevancia social do tema dende o noso colexio decidimos coñecer algo máis sobre o tema e identificar algunhas das causas e solucións a este gran problema que estamos a sufrir. Para elo os nosos alumnos e alumnas realizaron un pequeno vídeo sobre o tema que leva o título: "Queremos espazos libres de violencia"


Esperemos que vos gustase o vídeo e recordade... Ante calquera tipo de maltrato NON É NON!!

jueves, 23 de noviembre de 2017

Entramos no proxecto RADIO NA BIBLIO!!!!

Acabamos de recibir unha gran nova! O noso centro foi un dos 20 seleccionados para participar no proxecto piloto "RADIO NA BIBLIO", para a introdución da radio nas bibliotecas de centros públicos integrados no Plan de Mellora de Bibliotecas Escolares. 



Non podemos estar máis content@s, xa que a entrada neste programa supón a achega ao centro dun recurso con grandes posibilidades que de seguro variará e mellorará moitas dinámicas no noso cole. Gracias ao programa recibiremos dotación para a creación dun estudio semiprofesional de radio e formación para a súa implementación. Un luxo que nos permitirá darlle sentido a moitas das aprendizaxes que levamos a cabo nas aulas. NORABOA A TOD@S! NOTICIÓN!!!

Así llo comunicamos ás familias:


Queremos agradecer moi profundamente a inmensa aposta polo educación de calidade no rural que están a facer dende a Asesoría de Bibliotecas Escolares de Galicia.

Podedes consultar a resolución do programa na seguinte ligazón: texto da resolución

viernes, 17 de noviembre de 2017

Contacontos "Bebé Bigotes"

O pasado venres 17 de novembro varias alumnas dos cursos de 3º, 4º e 5º organizaron unha sesión de contacontos moi divertida onde deleitaron ao público da interpretación do conto "Bebé Bigotes" cunha gran dose de sentido do humor.


Despois dos momentos de ensaio e dos nervios previos presentaron a todos/as os asistentes os distintos personaxes do libro contádolles o que lles sucedera facendo as intrepretacións precisas en cada caso.


E colorin colorado este contacontos está rematado.


Apertas a tod@s!!!!

martes, 7 de noviembre de 2017

Os retos STEAM

Este curso comezamos unha nova actividade na que vos convidamos a participar todo o alumnado é as súas familias.
O ano pasado creamos un Recanto Maker, recanto que convida á creatividade a través das ciencias, e no marco deste recanto xorde a idea dos RETOS STEAM (Science – Ciencia, Technology – Tecnoloxía, Engineering – Inxeñería, Art – Arte e Maths – Matemáticas).
  

Cada mes propoñeremos un reto aos nenos e nenas, ao que poderedes intentar dar solución en familia dun xeito orixinal e creativo. Ao final do mes os nenos e nenas presentaran todas as posibles solucións, para o que faremos unha xuntanza o último xoves de cada mes na hora de ler.

Estivemos presentado toda a información sobre os mesmos ao alumnado e propoñendolle o primeiro reto.



primeiro reto titúlase: CREAMOS UN CIRCUÍTO POLO QUE UNHA PELOTA DE PING-PONG PERCORRA 1 METRO DE DISTANCIA XUSTO?


Podemos empregar todo tipo de materiais, especialmente refugallo, de xeito que non compredes nada para a resolución do reto. Ao final do mes publicaremos o
INVENTARIO DE SUPERINVENTOR@S E OS SEUS PROXECTOS
P.D. Se alguén se anima pode pode compliar co reto con algunha destas variantes (ou cas dúas): que a pelota siga unha traxectoria ascendente nalgún momento ou que apelota discurra por 3 superficies diferentes.
GuardarGuardar

lunes, 30 de octubre de 2017

Samaín no Pepe de Xan Baña

O pasado día 30 de outubro celebramos o Samaín como todos os anos. Para elo organizaronse diferentes actividades e todo o alumnado acudiu o centro disfrazado!



Na entrada do colexio co motivo desta celebración fixose a tradicional exposición de espigas, a de cabazas e unha de pedras de medo.


Para comezar a  terrorífica mañá todos os nenos e nenas viron a película de medo "La novia cadáver" na Sala Castelao.

No recreo continuamos cunha sesión de lectura a escuras na biblioteca, na que só podían utilizar unha lanterna para orientarse polo espazo e para ler.


Coma todos os anos fixemos un concurso de debuxos (para os nen@s de infantil, de 1º e de 2º) e contos de medo (para os nenos/as de 3º, 4º, 5º e 6º). De todos os participantes escolleuse unha obra gañadora por curso e entregouselle un premio. Os gañadores mostraron e leron a súa obra ao resto dos asistentes.


Para rematar a xornada do Samaín fixemos uns bailes e cancións típicas desta data en lingua galega e en lingua inglesa.

É ata aquí deu de sí o noso Samain!
Apertas a tod@s




domingo, 29 de octubre de 2017

Mochilas viaxeiras

Como cada ano, comezan a andar as mochilas viaxeiras cargadas de soños, novidades e información para toda a familia e forma de libros!! 💛💛💛



Este ano levan con elas un díptico que nos cedeu a librería Ler cunhas xeniais recomendacións lectoras.

Seguro que xa estades desexando recibila na casa, a que si??

viernes, 27 de octubre de 2017

As espigas da historia

Como cada ano dentro das actividades realizadas para celebrar o Samaín os/as alumn@s do noso cole decoran as tradicionais espigas. Como este ano o Proxecto está adicado a historia, as espigas foron caracterizadas sobre distintos feitos históricos ou amañadas acorde a determinadas épocas históricas.
Estes foron algún dos resultados:





A exposición de espigas estará na entrada do cole durante todos estes días por se queredes visitala.

Que tod@s pasedes un bo Samaín!!!!

jueves, 26 de octubre de 2017

Exposición bibliográfica "As historias da historia"

Adquirimos varios novos títulos para acompañar ao proxecto deste ano. Podedes pasar a visionalos e incluso levalos ás aulas para as vosas investigacións!

Atoparédelos nesta exposición no corredor da biblioteca. 


martes, 24 de octubre de 2017

24 de Outubro "Día da Biblioteca": Presentación do PDI "As historias da Historia"

O día 24 de Outubro todos os centros escolares celebramos o Día da Biblioteca. Para celebrar esta data tan especial decidimos facer a presentación do noso gran Proxecto. Como cada ano imos realizar un Proxecto no que todos/as  os membros do colexio participamos!
A encomenda chegou das mans do Mago Fuco que este ano nos propuxo investigar sobre a historia, así que o título do noso proxecto será "As Historias da Historia".  Todo o alumnado acudiu a presentación na Sala Castelao e atendeu as indicacións presentadas.


Cada curso investigará unha época histórica onde recollerá datos pertinentes para realizar as actividades  durante todo o curso e das que iremos dando conta. Para comezar a investigar cada curso recolleu o seguinte material: unha cápsula do tempo (onde se atopaba unha nota coa época histórica a investigar, unha carta do Mago Fuco coa encomenda e un pequeno libro de historia.
Aquí vos deixamos un video para que vexades as épocas históricas que imos a investigar plantexando un pequeno reto.... Todas as imaxes do vídeo pertencen a época histórica nomeada?



Pois con todo isto, a investigar que nos vamos!!!!

Até a próxima a tod@s!!

viernes, 13 de octubre de 2017

Contacontos: "Sopa de nada"

O venres 13 de outubro os alumnos e as alumnas de cuarto organizaron a sesión de contacontos para deleitar aos seus compañeiros doutros cursos coa lectura e interpretación do conto "Sopa de nada".


Os actores unha vez preparados e cos ensaios previos necesarios realizaron a función repartindo os papeis, polo que uns lían co conto e outros facían as interpretacións necesarias:





O público estaba moi contento e participou activamente con grandes aplausos polo gran interpretación que fixeron os seus compañeiros/as.


Así que quedamos a espera de que este grandes interpretes volvan de novo a deleitarnos coa súa arte.



Saúdos a tod@s!!!!!!

lunes, 9 de octubre de 2017

Xa comezamos a argallar no programa de impresión 3D!

Xa comezamos a argallar co TinkerCad. Trátase dun programa moi intuitivo no que se poden dixeñar obxectos a imprimir coa nosa impresora 3D a partir de volumes xa creados. Deixámosvos o enlace por si vos apetece fedellar, pero tedes que crear unha conta para poder facelo. É moi sinxelo!



Nós xa comezamos e deseñamos algunha que outra cousa. Entre outras este dado ;)


Seguiremos practicando!!


sábado, 7 de octubre de 2017

2ª Formación sobre impresión 3D!

No marco do "Proxecto Escornabots" de Bibliotecas Escolares de Galicia, o ano pasado a finais de curso recibimos unha impresora 3D!! E chegou o momento de recibir formación. O venres 6 de outubro estivemos en Santiago convocados por Bibliotecas Escolares para recibir a formación precisa.


Foi unha moi agradable sorpresa atoparnos o noso recanto Maker como exemplo para as bibliotecas que forman parte do proxecto na propia presentación de Bibliotecas Escolares de Galicia!! 💚


Despois estivéronnos falando do funcionamento da impresora, de programas de edición e de posibilidades de uso e aproveitamento no centro. Unha xornada do máis interesante.



Dende a EEI de Arteixo regaláronnos este colgante feito na súa impresora 😊


Pronto comezaremos a argallar na nosa!! Mans á obra!

martes, 19 de septiembre de 2017

Gran Inauguración da Biblio!!

Hoxe para comezar o novo curso  fixemos unha celebración especial para inaugurar a biblioteca nesta nova etapa.


Para elo realizamos dúas actividades onde estivo participando todo o alumnado do cole, dende os máis pequenos de infatil ata os maiores de sexto. Estas foron as actividades:

1) Sesión de Contacontos: As alumnas de sexto realizaron unha sesión de contacontos, facendo os ensaios previos necesarios, para contarlle ao público un conto moi divertido que gustou moito.




2) Obradoiro de Marcapáxinas: Todos os participantes na actividade levaron un pequeno agasallo para as súas casas. Así organizouse un obradoiro onde o alumnado realizou o seu marcapáxinas persoalizado para poder poñer nos libros que se collan na biblio para ler.






Con isto quedou inaugurado o uso da Biblio para este curso a espera de que o Mago Fuco nos envíe novas encomendas a realizar.

Saúdos a todos/as!!!




martes, 12 de septiembre de 2017

Obradoiros internivel "As historias da historia" para comezar o curso adecuadamente!

Como todos os anos, comezamos o curso dun xeito agradable e amigable cuns obradoiros internivel relacionados co proxecto. Este ano o proxecto recibe o nome de "As historias da historia" e como o seu propio nome indica, viaxaremos a través do tempo para coñecer aspectos das distintas épocas históricas. 

Polo de pronto comezamos o curso cuns obradoiros relacionados. Por un lado pintamos uns petroglifos no patio cuberto coma na Prehistoria e a Idade Antiga:


Representamos varios cadros moi importantes da historia da arte:


Bailamos danzas renacentistas:


E deseñamos o noso propio escudo ao máis puro estilo da Idade Media!


Fomos entrando en materia e divertímonos a tope no reencontros c@s nos@s compañeir@s despois do verán. Así da gusto comezar!!