Lectura e construción de robots

Unha das vantaxes do recanto Maker é que nos posibilita levar á acción o que aprendemos nos libros. Posibilita a función social de determinados textos cos que contamos na biblioteca.

Neste caso, algunhas nenas de 4º e 5º, Olaya, Rebeca, Amanda e Valeria, estiveron a voltas cun libro de instruccións para a construción de robots animados. Foi unha actividade moi satisfactoria para elas na que estiveron lendo, poñendo en marcha procesos de comprensión lectora e levando á práctica o lido.

Víchedes que chulos? Pois están a disposición de tod@ @ que queira argallar con eles no Recanto Maker, na biblioteca  🤖

Orientación espacial e iniciación á programación cos ESCORNABOTS

Orientación espacial e iniciación á programación cos ESCORNABOTS. As nenas e nenos de primeiro baixaron á biblioteca a xogar cos escornabots. Tremenda abstracción as segundas e terceiras curva. Na primeira aínda temos claro para onde temos que virar, pero a partir de aí non é nada fácil! 😱

E estamos tan ansios@s por participar, que a agarda polo noso próximo turno é todo un exercicio de contención 😅

Reto STEAM para marzo

Cuarto Reto STEAM: torre de palillos e plastilina o máis alta posible

O pasado martes todos os alumnos/as e profes acudimos a Sala Castelao para a resolución do cuarto dos retos STEAM. Este consistía en construír unha torre con palillos e plastilina o máis alta e resistente posible

Aquí tedes a lista dos inventores deste mes!

Deixámosvos un vídeo coas torres que chegaron explicados pol@s propi@s inventor@s!!

Queremos dar moitas gracias a tod@s os participantes e sobre todo aqueles que mes a mes vos esforzades en facelos!

Apertas para tod@s!

Impresión 3D: xogo de equilibrio

Coa impresora 3D non sempre sae todo como nos gustaría, pero o importante é analizar onde estivo o erro para aprender e avanzar. Neste caso, a cama (que é o lugar onde sobre o que se imprime) non estaba ben equilibrada e aínda que parece que foi unha desfeita...

Ao final conseguimos sacar ben unhas cantas pezas e salvar o xogo de equilibrios que estabamos a imprimir, e que conseguiu espertar gran expectación entre o alumnado 😅

Aquí temos a Olaia que consiguiu o record máximo de pezas colocadas!! Non é nada fácil, ata ese momento so se conseguiran colocar 3 pezas!

Pezas dun novo ESCORNABOT impresas

Na segunda formación sobre a impresora 3D, a cargo da Asesoría de Bibliotecas Escolares, fomos obsequiad@s coas pezas electrónicas dun ESCORNABOT coa finalidade de imprimir nós as plásticas na nosa impresora para dar forma a un novo robot.

E así o fixemos!! Neste caso ademais foi o alumnado o que puxo a andar a impresora!!

Unha vez impresas pasamos todo o cole pola impresora e cun ESCORNABOT na man fomos intentando ubicar as distintas pezas. 

Agora xa temos todas as pezas impresas e ademais aproveitamos para facer rodas de reposto, que é a peza que máis problemas nos da nos escornabots e que máis temos que cambiar.

Xa so nos queda montar o novo ESCORNABOT!!

Reto STEAM para febreiro

Terceiro Reto STEAM: O sistema de flotación para o noso boneco favorito

O pasado xoves todos os alumnos/as e profes acudimos a Sala Castelao para a resolución do terceiro dos retos STEAM. Este consistía en crear un sistema de flotación para que o noso bonec@ favorito puidese flotar  nun caldeiro de auga.

Aquí tedes a lista dos inventores deste mes!

Deixámosvos un vídeo cos sistemas que chegaron explicados pol@s propi@s inventor@s!!

Queremos dar moitas gracias a tod@s os participantes e sobre todo aqueles que mes a mes vos esforzades en facelos!

Apertas para tod@s!

1º charla de impresión 3D para 6º

Hoxe xuntámonos na aula de informática para impartir o primeiro obradoiro de impresión 3D aos nenos e nenas de 6º.

A idea é facer unha iniciación ao Tinkercad, para o que comezamos por explicar que debemos observar o que queiramos deseñar en forma de composición de formas xeométicas básicas. Para iso estivemos reflexionando sobre as formas xeométricas das que están feitos algúns obxectos cotiás. E non so iso, senón tamén, a que formas xeométricas corresponden os seus vacíos. Podedes probar a facer vós mesm@s esa reflexión ;)

Unha vez visto esto, levamos un deles ao Tinkercad, compoñendo e quitando as distintas formas xeométricas das que estivemos a falar.

Os equipos non son moi rápidos e invertimos máis tempo do esperado entrando no programa. A ver se para a próxima podemos aproveitar algo máis.

FUCO 3D!

Xa temos a Fuco en 3D!! Fai un par de anos pasaba de debuxo a vector, dixitalizándose a amoldándose aos tempos que corren. E desta volta deu un paso máis e gañou en volume ;)

Para conseguilo, primeiro fixemos o deseño en 3D no Tinkercad. Despois pasámolo polo CURA, o programa laminador que prepara o deseño para poder imprimilo, e directo á impresora 3D. 

Una vez finalizado o proceso de impresión era preciso quitarlle o soporte necesario para posibilitar o apoio dos brazos ao imprimir, lixalo e pintalo. Pasos todos eses que forman parte do postprocesado da peza. 

E LISTO!! Aquí tedes a Fuco 3D! Non puido quedar máis chulo!! Estamos encantad@s!



Despois imprimimos algún máis para facer visible o proceso.





GuardarGuardarGuardarGuardar

Reto STEAM para xaneiro

Segundo Reto STEAM: Maceta autorregante

O pasado xoves todos os alumnos/as e profes acudimos a Sala Castelao para a resolución do segundo dos retos STEAM. Como nos últimos meses do ano que acabamos de abandonar tivemos certos problemas de sequía, ocorréusenos deseñar unha maceta autorregante para que as nosas plantas non pasen sede!
Este é o listado dos nosos superinventores deste mes:

Aquí vos deixamos un pequeno vídeo coas probas que fixemos dos nosos grandes inventos!

Moitas gracias a tod@s por participar! Sodes xeniais!

Reto STEAM para decembro

Primeiro Reto STEAM: Como unha pelota de ping-pong pode recorrer un recorrido dun metro exacto?

O pasado martes todos os alumnos/as e profes acudimos a Sala Castelao para a resolución do primeiro dos retos STEAM. O primeiro reto consistía en crear un percorrido polo que unha pelota de ping-pong recorrera un metro de distancia podendo pasar por tres superficies distintas.
Aquí vos deixamos a lista dos nosos superinventores deste mes!

Agora podedes ver un pequeno vídeo de como foron todos os recorridos polos distintos circuitos:

Moitisimas grazas a tod@s pola vosa participación!!

Recanto Maker en plena actividade

Parece que se nos queda pequena a mesa do recanto maker!! Hoxe déronse cita nela os bloques imantados Tegu, o LEGO, os LITTLE BITS e os ESCORNABOTS!

Día de experimentación total!

Os retos STEAM

Este curso comezamos unha nova actividade na que vos convidamos a participar todo o alumnado é as súas familias.

O ano pasado creamos un Recanto Maker, recanto que convida á creatividade a través das ciencias, e no marco deste recanto xorde a idea dos RETOS STEAM (Science – Ciencia, Technology – Tecnoloxía, Engineering – Inxeñería, Art – Arte e Maths – Matemáticas).

  

Cada mes propoñeremos un reto aos nenos e nenas, ao que poderedes intentar dar solución en familia dun xeito orixinal e creativo. Ao final do mes os nenos e nenas presentaran todas as posibles solucións, para o que faremos unha xuntanza o último xoves de cada mes na hora de ler.

Estivemos presentado toda a información sobre os mesmos ao alumnado e propoñendolle o primeiro reto.

O primeiro reto titúlase: CREAMOS UN CIRCUÍTO POLO QUE UNHA PELOTA DE PING-PONG PERCORRA 1 METRO DE DISTANCIA XUSTO?

Podemos empregar todo tipo de materiais, especialmente refugallo, de xeito que non compredes nada para a resolución do reto. Ao final do mes publicaremos o

INVENTARIO DE SUPERINVENTOR@S E OS SEUS PROXECTOS

P.D. Se alguén se anima pode pode compliar co reto con algunha destas variantes (ou cas dúas): que a pelota siga unha traxectoria ascendente nalgún momento ou que apelota discurra por 3 superficies diferentes.
GuardarGuardar

Xa comezamos a argallar no programa de impresión 3D!

Xa comezamos a argallar co TinkerCad. Trátase dun programa moi intuitivo no que se poden dixeñar obxectos a imprimir coa nosa impresora 3D a partir de volumes xa creados. Deixámosvos o enlace por si vos apetece fedellar, pero tedes que crear unha conta para poder facelo. É moi sinxelo!

https://www.tinkercad.com

Nós xa comezamos e deseñamos algunha que outra cousa. Entre outras este dado ;)

Seguiremos practicando!!

2ª Formación sobre impresión 3D!

No marco do "Proxecto Escornabots" de Bibliotecas Escolares de Galicia, o ano pasado a finais de curso recibimos unha impresora 3D!! E chegou o momento de recibir formación. O venres 6 de outubro estivemos en Santiago convocados por Bibliotecas Escolares para recibir a formación precisa.

Foi unha moi agradable sorpresa atoparnos o noso recanto Maker como exemplo para as bibliotecas que forman parte do proxecto na propia presentación de Bibliotecas Escolares de Galicia!! 💚

Despois estivéronnos falando do funcionamento da impresora, de programas de edición e de posibilidades de uso e aproveitamento no centro. Unha xornada do máis interesante.

Dende a EEI de Arteixo regaláronnos este colgante feito na súa impresora 😊

Pronto comezaremos a argallar na nosa!! Mans á obra!

1ª xornada de formación sobre Impresión 3D

No marco do "Proxecto Escornabots" de Bibliotecas Escolares de Galicia, acabamos de recibir unha impresora 3D!! E chegou o momento de recibir formación. O luns 26 de xuño estivemos en Santiago convocados por Bibliotecas Escolares para recibir a formación precisa.

Mirade! Coa impresora 3D podemos facer todas estas cousas e moitísimas máis!! É impresionante!

Recibimos formación sobre a propia impresora e sobre repositorios con arquivos imprimibles e sobre o CURA, un programa de preparación deses arquivos para impresión! 

Recibimos unha impresora 3D!!

No marco do "Proxecto Escornabots" de Bibliotecas Escolares de Galicia, ACABAMOS DE RECIBIR UNHA IMPRESORA 3D!!!

Como non nos cabía a ansia no corpo tivemos que estreala xa e imprimimos esta divertida rá! É impresionante e hipnotizante vela traballar 💙

A que está xenial!! Seguiremos argallando!