21 de Marzo: Día da poesía

Chegou o gran día, aquel que levamos preparando durante moito tempo! Hoxe é o Día da Poesía, un día onde as letras e as sensacións se misturan para florecer en perfectas emocións.
Así, como xa vos fomos adiantando no noso cole fixemos unha simbióse entre a poesía, a radio e os vídeos e creamos uns videopoemas!
Aqui tedes un deles:

No seguinte enlace podedes ver todos os videopoemas feitos por todos os grupos do cole: https://www.youtube.com/playlist?list=PLd_ylOoBKBrbjL3GQHZwXRPlDa05uSsY6

A Videopoesía (Capítulo III): Comezamos as gravacións!

Pois ben, despois de aprender a realizar un videopoema con Celia Parra comezamos as gravacións, experimentando o dificil que é gravar todo ben.
A escolla dos escenarios, das persoaxes, das representacións, os planos, os enfoques,.... son moitas cousas as que hai que controlar pero con moitas probas todo foi indo.
Aqui vos deixamos unhas imaxes de como foi todo este proceso.

En nada xa vos ensinamos o resultado final! Que emoción!!!!!!

A Videopoesía (Capítulo II): Visita de Celia Parra

Seguimos inmersos na creación dos nosos videopoemas. Unha vez sonorizados os poemas escollidas tema o tempo de escenificar os poemas e facer as gravacións.
Para aprender a facer isto, contamos cuna xuda moi expecial. Veu ao noso cole a formarnos a poeta Celia Parra!!! Celia é todo una experta nestes temas e fixenos un taller moi chulo para ensinarnos a como facer videopoesía.

Moitisimas gracias Celia pola túa axuda!

A videopoesía (Capítulo I)

Proximamente imos a celebrar no colexio o Día da Poesía (21 de marzo) e para iso decidimos facer algo novidoso como é elaborar as nosas propias videopoesías. Os videopoemas son poemas unidos a textos ou creacións dos mesmos e neste caso imos empregar textos de diferentes autoras galegas. Lingua e literatura, son e silencio, música e imaxe, percepción e expresión... xúntanse non videopoemas creando unha viaxe intergaláctica do papel á tecnoloxía, da aula de música á radio escolar e da radio ao plató de gravación.

O primeiro paso para facer isto é escoller un poema, polo que despois dunha profunda revisión os distintos grupos-aula fixeron estas escollas poéticas:

 1º-2º E. Primaria: Rosalía de Castro: “Tal como as nubes”, Follas Novas, 1880.

3º E. Primaria: Celia Parra: poema extraído do poemario No berce das mareas, 2009.

4º E. Primaria: Rosalía Fernández Rial: poema extraído do poemario Un mar de sensacións, 2012.

5º-6º E. Primaria: Carlos Negro: “Princesa (contra) Disney” e “Barbie Girl” de Penúltimas tendencias, 2014.

Despois pasou o turno de facer as gravacións dos audios, polo que acudimos a “Radio Fuco” da nosa biblio para facer as sonorizacións. Cada alumno/a encárgase de levar o material que precisa (texto, instrumentos, obxectos sonoros...) e responsabilízase de intervir no momento adecuado, segundo ensaiamos na sesión anterior.

Cada sonorización grávase varias veces, facendo tomas en directo nas que aparecen todos os elementos (recitado, efectos sonoros e acompañamento instrumental) de xeito que ao final escollemos a toma que máis nos gusta, sen que sexa preciso editar o audio.

XXI Certame " Francisco Añón" de Poesía

Dende hai 21 anos o Concello de Outes organiza o Certame "Francisco Añón de Poesía" onde participantes a partir dos 6 anos ata a adultos poden participar enviado aquelas poesías de autoría persoal que se desexen. Dende o noso colexio, coma todos os anos, as distintas titorías participaron enviando os alumnos/as poemas creados por eles mesmos. Como son moitos os participantes de todo Galicia é moi dificil ser o gañador dalgún deste galardón, pero para nosa sorpresa o noso alumno de 1º de EP, Daniel García Barbeira foi un dos gañadores!!!!!

O pasado día 17 de maio (Día das Letras Galegas) celebrouse un fermoso acto pola tarde onde os premiados recibiron os seus agasallos e leron as súas creacións para todos os asistentes.
Deixamos aquí o poema de Dani que se titula "O meu avó Pepe" para que desfrutedes del.

Moitos parabéns Dani!

21 de marzo, Día da Poesía

Este ano decidimos celebrar este día tan especial coñecendo a dous poetas e dúas poetisas contemporaneas. Persoas que escriben poesía hoxe en día en galego.

As poetisas homenaxeadas foron María Lado e Rosalía Morlán, e os poetas Xosé Luna e Fran Alonso.

Fixemos unha exposición e un acto no que as nenas e nenos que quixeron leron poesía, compartindo os versos e as palabras co resto de compañeiros e compañeiras do cole. Abriu o acto a nosa poetisa particular, Andrea Porto, a nosa profe de música, que lles contou que a poesía é para todos e todas e que é como se fixésemos música coas palabras. Un acto moi fermoso do que vos deixamos un vídeo. Agardamos que o disfrutedes!

DIA DA POESÍA. Obradoiro de poesía e hip-hop e concerto con Gael e Javide Som do Galpom

As nenas e nenos de sexto estiveron compoñendo con Gael unha letra sobre a nosa identidade, a do cole e a do lugar no que viven. Foi un proceso ben interesante que culminou cun concerto de Gael e Javi, integrantes do grupo Som do Galpom no que tiveron a oportunidade de estrear a súa canción.

HORTIÑA DE ROSALÍA. 24 de febreiro

Como todos os anos por estas datas lembrámonos especialmente de Rosalía, e este ano, no marco do noso proxecto decidimos inaugurar unha hortiña, a súa hortiña. Esa hortiña que quería tanto e na que prantou figueiriñas. Nós prantamos distintos froitais, figueira tamén prantaremos, por suposto, e tamén algúns bulbos para darlle colorido coas súas flores.

DÍA DA PAZ. Celebrámolo plantando unha oliveira e recitando poesía

O olivo é a árbore que simboliza a paz, por iso nos pareceu unha boa idea plantar un no noso patio, e que mellor día que o propio día da Paz. Para festexalo e que creza contento e con forza, despois de plantamos recitámoslle poesía todo o cole. Quedou un acto ben fermoso.