As espigas literarias

Ola amig@s!

Dende onte xa estamos no Outono, polo que xa chega a esta nosa terra querida o frío, a choiva, a caída da folla e a recollida do millo!
Así que coma todos os anos no noso cole, para darlle a benvida a esta estación facemos un exposición na entrada decorando espigas. Este ano as espigas foron decoradas seguindo unha temática moi arraigada este ano no cole, xa que son espigas literarias!!! Como temos unha biblioteca nova decidimos que este ano a decoración tería que ver con todo aquelo que temos dentro dela. Así que como veredes nas fotos as nosas espigas foron moi variadas: Dende unha represetanción da Brancaneves e os sete ananos, ao propio Don Quixote e ata a mesma Alicia (encargada da biblio)!!

Dende aquí queremos dar as grazás tanto ao alumnado coma as familias participantes pola colaboración e por todo o traballo realizado.

E xa sabedes, polo outono: uvas, castañas e leite con mel!!!

ENTROIDO TRADICIONAL no Pepe de Xan Baña

Menudo entroido nos marcamos este ano. Foi apoteósico! E canto aprendemos da nosa cultura! Deixámosvos dous videos para que vós tamén poidades disfrutalo.

PELIQUEIROS e XENERAIS

Da man de Marcos, o profe que sustitúe en 5º, e que é orgulloso Peliqueiro, tivemos a honra de ver un traxe verdadeiro e tamén de coñecer a un auténtico Xeneral da Ulla.
Ambos estiveron contándonos a historia de tan emblemáticas figuras, as tradicións en torno ás mesmas e a composición dos seus traxes. Que marabilla de traxes! 😍😍😍😍

Aprendemos a enrestrar cebolas

De novo Tina, que sempre está con nós e da que aprendemos moitísimo, trouxonos palla para enrestrar as cebolas que recollemos na horta. Ensinounos como se fai e mesmos estivemos probando. Parece ser que deste xeito, ademais de quedar mellor recollidas, duran máis. Foi moi interesante.

OUTONO. Tradicional exposición de espigas

Como cada ano, polo outono, chega a tradicional exposición de espigas. Este ano, para vinculalo co proxecto, propúxose que fosen decoradas integramente con elementos vexetais.
Coma sempre, as nosas familias fixeron un alarde de creatividade. Xeniais!