O FESTIVAL

Despois de moito tempo de preparativos e ensaios,

 chegou o ansiado día! 

Con algo nervios, moitas risas e unha actuación estupenda por parte de tod@s as participantes, tivo lugar o noso FESTIVAL DE NADAL.

Houbo cancións, unha obra de teatro con moito humor na que aprendimos sobre a Historia de Traba e como remate final, visita do Papa Noel. 

Bo Nadal e moi felices Festas! 

DECEMBRO NA BIBLIO

O NADAL NO PEPE DE XAN BAÑA

ACTIVIDADES PARA O 25 DE NOVEMBRO

Entorno ao 25 de Novembro, Día da Eliminación da Violencia contra as Mulleres, no CEIP Pepe de Xan Baña fixéronse diversas actividades, como unha sesión de contacontos no que se presentou un libro que reflicte sobre o machismo. Os resumos da historia que fixo o alumnado mostran que captaron moi ben a mensaxe. 

O Libro dos Porcos

Aquí atoparedes unha mostra da sesión de contacontos de CAXOTO que tivo lugar na biblioteca do centro para todos os niveis eduxativos.

Foi educativo e didáctico e os alumnos e alumnas captaron moi ben a mensaxe. 

UN CEO ESTRELADO

O mes de novembro conmemórase a CIENCIA  EN GALEGO  nas Bibliotecas e tamén é bo momento para aproveitar e mirar o ceo estrelado as noites despexadas. 

DISFRUTANDO DA LECTURA

Dende cada aula trabállase o fomento de lectura, tanto coa hora de ler diaria como con diversos proxectos divertidos como o LECTÓMETRO. Parece que ten éxito! 

SAMAGOSTO NO PEPE DE XAN

 O pasado venres 28 de outubro celebramos no noso cole o Samaín e Magosto. Comezamos a mañá coa entrega de premios dos concursos de debuxos (infantil e 1º de Ed. Primaria) e relatos terroríficos (2º, 3º, 4º, 5º e 6º de Ed. Primaria), e tamén de manualidades. 

Os premiados foron:

DEBUXOS: 

4º/5º Ed. Infantil: DIEGO

6º Ed. Infantil: NEREA

1º Ed. Primaria: ENZO

RELATOS:

2º Ed. Primaria: MARTINA

3º/4º Ed. Primaria: LUNA

5º/6º Ed. Primaria: SHARAY

MANUALIDADES:

- ADRIÁN

- NAYRA

- ENZO E HUGO

- SAMUEL

- ANTÍA

Noraboa a todos os participantes!

Acto seguido, comemos castañas e tomamos chocolate. Tamén interpretamos unhas cancións e realizamos unha masterclass do xogo da chave.

OUTUBRO: Un outono cheo de cores

 

Chegou o outono: as follas mudan de cor, os nosos alumnos e alumnas recollen castañas no patio do cole e tamén chegou o novo auxiliar de conversa, Aaron, de E.E.U.U.

Nestas imáxenes que queremos compartir con vos, tedes unha mostra:

Alumnado buscando castañas

No blog de inglés veredes máis fotos con Aaron e traballos feitos en Plástica.

Unha celebración que teremos en conta nas aulas e por suposto na biblio é esta

FALANDO MOITAS LINGUAS

 

Empezamos o curso tomando conciencia da importancia das linguas, coñecendo o mapa de Europa e a diversidade cultural que temos.

Dende o ano 2001 celébrase por iniciativa do Consello de Europa de Estrasburgo cada 26 de setembro O Día Europeo das Linguas.

Como C.E.I.P. „Plurilingüe“ non só queremos que o alumnado aprenda linguas, senon que tamén valoren todo o que aportan.

Arte creativo

Ao longo do curso, desde a área de plástica fixéronse contribucións creativas á biblioteca, contando cun expositor propio para as súas publicacións.

Esta é unha pequena mostra dos traballos realizados:

Cambios na biblioteca.

Ao longo do curso introducimos cambios nos espazos da nosa biblioteca, como:  na zona de hemeroteca, zona de consulta, zona de lectura infantil ou Recanto Maker.

A biblioteca foi sempre un espazo dinámico e adaptable ás distintas  actividades, iniciativas, propostas e exposicións levadas a cabo.

Aquí podemos ver o antes e o despois.

Homenaxe a Pepe de Xan Baña

Con motivo da celebración do 150 aniversario do poeta Pepe de Xan Baña, o concello de Santa Comba convocou un concurso de debuxos, do que informamos no noso blogue o mes de maio. A continuación recóllese unha pequena reportaxe fotográfica, coa entrega de premios e a actuación de Paco  Pakolas, coa súa obra  Ramona Órbita - A dona  do tempo.

Guía de lecturas de verán 2022