Para dar a benvida ás nosas xornadas de charlas na biblioteca, tivemos unha visita moi especial da man de Miriam, que achegou o marabilloso mundo dos fungos a todo o alumnado de Educación Primaria.
Ao longo da xornada, Miriam explicounos de maneira amena e divertida a importancia dos fungos na natureza, descubrindo que teñen un papel fundamental nos ecosistemas e que están moito máis presentes na nosa vida do que imaxinamos.
Pero non todo foi escoitar! 🔎🍄 O alumnado tamén tivo a oportunidade de poñer a proba os seus coñecementos a través dun memory de identificación de fungos, no que tiveron que observar, lembrar e asociar diferentes especies.
Foi unha xornada para aprender, xogar e descubrir, achegándonos ao fascinante mundo da micoloxía e aprendendo a valorar a riqueza natural que nos rodea.
💚 Moitas grazas a Miriam por compartir con nós os seus coñecementos e por facer desta xornada unha experiencia tan divertida e enriquecedora!
A biblioteca continúa abrindo as súas portas ao coñecemento, á curiosidade e á aprendizaxe. 📚🍄
