Este blog xurde do desexo, por parte do equipo de biblioteca do CEIP PLURILINGÜE PEPE DE XAN BAÑA, de dar a coñecer as actividades que se levan a cabo no centro en torno á biblioteca escolar e en colaboración co resto dos equipos. É un lugar de encontro entre toda a comunidade educativa, no que agardamos as vosas opinións e propostas para a mellora das dinámicas do centro. Benvid@s e agardamos que o disfrutedes!
A nosa biblio nova segue a medar en experiencias, en soños e tamén en NOVIDADES!!
Temos un moitos libros novos que está chegando a nosa biblio para facer que medre máis e máis!
Alén disto para ir quentando motores para as actividades que imos a realizar para o Día de Rosalía, estamos a adicar a exposición temática mensual a obra e figura desta marabillosa dona das verbas da nosa lingua.
Espero que estas novas lecturas sexan do agrado de tod@s bos!
O pasado venres 18 de maio reunímonos todos os membros do colexio para celebrar o día das Letras Galegas que este ano se adicou a María Victoria Moreno.
Ao longo de todo o trimestre nas distintas titorías fóronse traballando cuestións en relación a esta celebración e a poeta a que se lle adicou. Como este ano inauguramos a Radio Fuco creouse un programa especial onde todos os alumnos/as foron vertendo todas as súas achegas.
Todos reunidos na Sala Castelao escoitamos os distintos programas e conversamos da relevancia de facer este tipo de celebracións.
Aquí os tedes para que poidades disfrutar tanto deles coma nós.
O pasado mércores 16 de maio recibimos no cole a visita de Paco López Barxas que nos veu a falar das súas obras, en concreto de dúas centradas na cidade de Santiago de Compostela.
A través das súas obras Nemo e Sabela polos parques de Compostela e de Sar, Sarela e os monstros de Compostela; Paco fíxonos un divertido percorrido pola historia da cidade de Santiago facendo referencia a emblemáticos lugares e persoaxes así como a grandes obras que se poden ver na cidade.
Despois desta animosa charla e dun turno aberto de preguntas que resultou moi interesante, os alumnos de 4º e 5º prepararon unha entrevista para a Radio Fuco onde profundizaron un pouco na vida de Paco para coñecelo un pouco máis.
Dende aquí queremos dar as grazas a Paco por vir e convidámolo a facernos unha nova vista cando el queira!
Ola a tod@s!
Hoxe tivemos unha gran visita no noso cole. O autor Paco Nogueiras trouxónos a escola varias dos seus contos acompañado das súas persoaxes e dos seus instrumentos musicais.
Grisela, Animais de compañía, A horta de Simón e outros contos foron cantados e interepratados por Paco para desfrute de todos os presentes.
Foi unha gran mañá cargada de risas e emocións cos contos de Paco!
Dende aquí dámoslle as grazas a Paco por vir a vistarnos!!
Chegou o 24 de febreiro, esa data na que sempre nos lembramos de Rosalía dun xeito especial.
Este ano, seguindo o hashtag #AbrideAFiestra, a proposta da AELG, e baixo a batuta da profe Andrea, abrimos a nosa propia fiestra para berrarlle ao mundo que amamos a nosa lingua, como a amaba Rosalía. Aquí tedes o fermoso vídeo:
Ademais, en algunha clase os nenos e nenas de infantil leron o poema "Lúa descolorida", xa que están no proxecto do espazo, un poema sobre este astro estaba moi conectado cos seus intereses neste momento. Despois crearon as súas propias lúas coloridas para alegrar á lúa, xa que consideraron que estaba triste por ser descolorida, e colocáronas nas fiestras.
Na clase de primeiro tamén lembraron a Rosalía. Convertírona nunha icona pop, decorándoa libremente, e rescataron fermosas e entrañables palabras dos seus poemas. Con todo iso crearon unha obra colectiva que quedou exposta no corredor para que tod@s poidan disfrutar dela.
