lunes, 19 de octubre de 2020

Samagosto!

Estase achegando o Samaín e como xa estamos en outono, próximamente celebraremos o Samagosto, unha combinación das dúas celebracións.


Para iso realizaremos un concurso de relatos "A morte sen medo".


Tamén realizaremos un concurso de cabazas. Podedes enviar a foto da vosa cabaza ao seguinte correo: 

pepedexanbiblio@gmail.com


E para os de infantil, convocamos un concurso de debuxos de Samaín.



Os Bolechas

 A semana pasada os Bolechas viñeron ao centro a explicarnos o que é o 112 e como se debe empregar.

Braulio e Martín, visitaron a aula de 1º e 2º de Educación Primaria. Aprendemos moito e ata fixemos un rap!


Obradoiro Maker



Hoxe tuvemos a Paola Guimeráns no centro para a realización dos obradoiros de e-textiles. Realizáronse distintos obradoiros co alumnado de 3°, 4°, 5° e 6° de Educación Primaria, entre eles: circuítos e papel, circuítos e-textiles; e makey makey. Todos eles mesturando electricidade, papel ou tea. 

Pasámolo xenial!! 




viernes, 11 de septiembre de 2020

BENVID@S A UN NOVO CURSO!

Comezamos un curso un pouco diferente debido a situación na que nos atopamos, por iso ata o mes de outubro non abriremos a nosa biblioteca. Estamos traballando para facelo cumprindo as normas de seguridade e agardámosvos con moitas novidades.
Un agarimoso saúdo!

viernes, 5 de junio de 2020

O Papagaio!

Bo día amigos e amigas!

O Xornal da Xente Miúda, O Papagaio, ofrece este mes de xuño unha ampla variedade de lecturas e información que de seguro é do voso interese. Sen facervos moito spoiler, se estades interesados en saber por que os vagalumes alumean pola noite ou vos interesan máis os videoxogos, este é o voso xornal informativo!

Aquí debaixo vos deixamos o enlace para que vaiades dereitiños e sen perda:

As árbores das familias!

Bo día amigos e amigas!

No día de hoxe queremos amosarvos todo o traballo que, baixo as directrices de Vanesa, a profe de Reli, levastes a cabo para rear as árbores xenealóxicas das vosas familias. Algo tan importante para vós como para nós, por pertencermos todos á mesma comunidade educativa. 

Botádelle unha ollada, veredes que chulos quedaron!


martes, 19 de mayo de 2020

As Letras da cativas!

Bo día amigos e amigas,

como xa sabedes, o pasado 17 de maio celebramos o Día das Letras Galegas, e por ese motivo, Martina e Daniella non quixeron deixar pasar a oportunidade de contribuir enviándonos unhas achegas ben xeitosas e interesantes.

En primeiro lugar, Martina recítanos unha cantiga galega que de seguro todos sabedes e coñecedes!


Pola súa parte Daniella, informouse ben e trae unha recompilación de refráns galegos para compartir con todos.


E vós, coñecedes algunha outra cantiga? E algún outro refrán? Animádevos e deixade os vosos comentarios cos refráns e cantigas que coñezades!


viernes, 15 de mayo de 2020

Os nosos Maios!

Benqueridos amigos e amigas,
Hoxe querémosvos mostrar as primeiras creacións de maios que nos fostes enviando con toda a vosa creatividade e o colorido característico desta festividade.

Botadelle un ollo e deixadenos nos comentarios a vosa opinión sobre o que vos parecen os maios e animádevos a enviarnos os vosos tamén!





miércoles, 13 de mayo de 2020

17 de maio, Día das Letras Galegas!

Queridos amigos e amigas,

como ben sabedes, o 17 de maio é o Día das Letras Galegas, e este ano están dedicadas ó escritos ferrolán Ricardo Carballo Calero.

Ó non termos clase ordinaria, non o se puido traballar este autor nas aulas. Con todo, non quixemos perder a oportunidade de vos amosar un pouquiño da súa vida e da súa obra.


Ademais, e para facelo máis interesante e emocionante, traémosvos tamén unha proposta interesante para que disfrutedes e pasedes un anaco desfrutando como se forades auténticos detectives para resolver un enigma!

Así é, hoxe traémosvos dous "escape rooms" nos que aprenderedes máis sobre Carballo Calero e no que tedes que resolver todos os enigmas empregando as pistas para chegar ata o final!

AVISO! Un deles é máis sinxelo que o outro, pero ambos están moi chulos e emocionantes para enredar un anaco!





martes, 12 de mayo de 2020

Primavera de Letras


Bo día amigos e amigas,

Hoxe querémosvos facer saber dun concurso que se vai a celebrar e que pensamos que vos gustaria participar.

O concurso chámase I Certame de Artes Plásticas Feiraco 2020: Primavera de Letras e está organizado por Feiraco e promocionado pola Xunta de Galicia.

Neste concurso hai dúas categorías, unha para os cativos e cativas de Infantil, e outra para os de Primaria e o que tedes que facer é unha cousa ben sinxela.

O que hai que facer é elaborar unha obra de arte que pode ser un debuxo, unha pintura, un collage, unha manualidade ou o que se vos ocorra e vós, papás e mamás, tedes que fotografalo ou escanealo para subilo á aplicación.

A temática "Primavera de Letras" consiste en que eles debuxen ou creen unha obra artística pensando o que para eles é o galego e que importancia ten. Por suposto, e como toda obra que se precie, debe ir firmada polo seu autor ou autora, e a súa idade.

E como non, os premios (elixidos por xurado) divídense en dúas categorías:
  • Premio Infantil (3 a 6 anos): unha xornada en fmailia para visitar Marcelle Natureza, un patinete, un lote de libros e outro de produtos Feiraco.
  • Premio Primaria (7 a 12 anos): unha xornada en familia para visitar Marcelle natureza, un patinete, un lote de libros e outro de produtos Feiraco.
Para máis información, podedes visitar a páxina Certame de Artes Plásticas e alí está todo moi ben explicadiño.

Por certo, unha suxerencia, podedes facer un cómic para presentarvos ó concurso, se vos gusta a idea, aqui vos deixo un enlace que colgamos na páxina do cole e que vos resultará de axuda Comic para plástica


viernes, 8 de mayo de 2020

2 + 2 = Teatro de monicreques!

Bo día amiguiños e amiguiñas,

hoxe queremos amosarvos que en tempos de confinamento temos tempo para todo. Senón que llo digan a Daniella e máis a Kilian, que pasan os días enredando con números, botádelle aquí unha ollada!




E finalmente, deixámosvos un teatriño de monicreques que nos preparou Mia. Se vos gustan os monicreques, podedes ver o titorial sobre como facelos na páxina do cole, no blogue de Artistas no confinamento, ou entrando directamente no seguinte link https://www.edu.xunta.gal/centros/ceippepedexan/node/209



Seguide a enviarnos cousiñas, que nós estamos encantados de poder compartilas e que todos as vexades!


miércoles, 6 de mayo de 2020

Trebellando!

Bo día amigos e amigas,
no día de hoxe traémos unha mestura de cousas para vos ensinar.

En primeiro lugar, Luna enviounos dous contos chulísimos, un contacontos e outro que semella estar inventando por ela, botádelle un olliño que de seguro vos gusta!




E ademais, xa nos chegaron as primeiras fotos daqueles que vos animastes a facer os vosos Maios nas casas. Neste caso, os encargados foron Hugo e Enzo, mirade que chulo lles quedou!


lunes, 4 de mayo de 2020

Aí ven o Maio!

Aí vén o maio
de frores cuberto...
Puxéronse á porta
cantándome os nenos;
i os puchos furados
pra min estendendo, 
pedíronme crocas 
dos meus castiñeiros.
Curros Enriquez. O Maio.

Bo día amigos, no día de hoxe queremos traervos unha superproposta.
Como xa seguro sabedes, os maios son unha celebración tradicional de Galicia, que  se celebra a primeiros de maio, ainda que nalgúns lugares exténdenas todo o mes de maio e parte de xuño, rematando o día de San Xoán. 

Esta festa celebra a chegada da primavera, por iso se fan estructuras con elementos típicos da estación en forma de árbore, como poden ser folla, flores, xetas, e froitos.

Propoñémosvos elaborar o voso propio MAIO, podedes empregar elementos da natureza como pólas, xestas ou follas, ou de reciclaxe como cartóns, tapóns ou envases, entre outros.

Mandádenos as vosas fotos ó mail da biblio pepedexanbiblio@gmail.com e publicarémola. Deixade voar a vosa creatividade!!

Aquí tedes algúns exemplos para vos inspirar:












martes, 28 de abril de 2020

Enredando na casa!

Boas amigos, 
no día de hoxe, abrimos unha pequena fiestra para chegar ata todas as vosas casas e botar unha ollada para saber con que estades a enredar estes días. 

En primeiro lugar, imos ata a casa de de Xiana e Joel, onde nos mostran en que están a pasar o tempo nestes días encerrados.

A continuación, Martina danos uns consellos de como manternos en forma e estar relaxados cuns exercicios de ioga. Facedeos con coidadiños, non vos vaiades mancar!


De seguido, o simpático Kevin amósanos como aínda confinados, se poden repasar as cores EN INGLÉS! Yes, of course! Black, blue e yellow entre moitos outros fan que este debuxo sexa do máis colorido!


E xa para rematar esta entrega, nada nos fai máis felices que saber que temos unha nova lectora en potencia. Si, si! Como escoitades! Daniella está aprendendo a ler algunha palabriña para despois poder ler ela soíña os seus libros e todos os que temos na nosa biblio!





lunes, 27 de abril de 2020

Contos a mancheas!

Queridos amigos,
no día de hoxe non podemos estar máis contentos porque nos seguen a chegar os vosos vídeos de contacontos que tanto nos gustan e nos entreteñen.

Imos comezar con simpático e sempre alegre Killian que nos pide moita atención para escoitar o conto de Os Tres Porquiños!


Para continuar, Zoe fixo o seu contiño para explicarnos, de maneira moi boa e clara, que é o coronavirus e que cousas podemos facer nas nosas casas que non poñan en risco a nosa saúde.


De seguido, a espelida Mia acompañda polo seu cadelo Kim, veñen a contarnos o conto de Bambi, para lembrarnos que debemos coidar a natureza e os animais salvaxes!


O seguinte conto, vén contado por Hugo baixo a atenta supervisión de Enzo. Neste caso, comparten con nós o conto El Tigre que perdió los dientes.


Ademáis, e xa para rematar, Enzo quere facer a súa propia achega recomendándonos un conto que parece ser lle gusta bastante, trátase de Los Tres Piratas y El León.



Lembrade deixar os vosos comentarios felicitando ós vosos compañeiros sobre os contos que compartiron e non dubidedes en enviarnos os vosos ó mail pepedexanbiblio@gmail.com

Quarantine, quarantine!

Good morning dearest friends!

No día de hoxe querémosvos amosar como algúns de vós pasades os días durante esta corentena.

Nesta edición, son Amalia e Alberto de 5º os que nos amosan que se se quere, hai ben onde enredar!

Let's have a look! and remember, #StayHome #EuQuedoNaCasa




Enviadenos as vosas rutinas de corentena que estaremos encantados de colagas no noso blogue! Lembrade o noso mail, pepedexanbiblio@gmail.com

viernes, 24 de abril de 2020

3 contos mellor que 1!

Boas tardes queridos, pequenos e grandes amigos.
Nesta nova entrega queremos darvos 3 novos contos, moi ben contados.

Para comezar, Lucía fainos unha representación moi alegre da Carapuchiña Vermella, un clásico que nunca defrauda!


Outra proposta que nos chega é a do simpático Enzo, que cun pouquechiño de vergoña nos relata o conto do Zombie! Que medo!



E finalmente temos un dúo do máis espectacular, Izan e Xanaia, que nos veñen a dar unhas pautas sobre como debemos facer unha Fiesta en la Jungla.


Deixádenos os vosos comentarios para saber que foi o que máis vos gustou de cada relato e animádevos a mandarnos os vosos!


O Cocorico de Nuria!

Bos días amigos e amigas!

Hoxe temos a sorte de achegarvos unh aparticipación moi especial, a profe Nuria quixo aportar o seu gran de area e enviounos un contacontos de Cocorico para que todos e todas poidades desfrutar.

A continuación vos deixamos o vídeo, deixade os vosos comentarios sobre o que máis vos gustou a ver se algún outro profe tamén se anima a enviarnos algo!


jueves, 23 de abril de 2020

Imos contar contos de Pan con chocolate!

Bo día queridos amigos, xa nos comezan a chegar as vosas participacións para Contarnos contos dende as vosas casas.

Neste caso, Carla, alumna de 5 anos de Infantil, con moita naturalidade e alegría, fainos partícipes deste Pan con chocolate. Tomade asento, agardade en silencio, que o conto comeza xa!


Deixádenos os vosos comentarios se vos gustou o conto, dicide só palabras boas, sede respetuosos e animádevos a mandarnos o voso conto a pepedexanbibilio@gmail.com

miércoles, 22 de abril de 2020

Contadas desde a Corentena

Boa tarde amigos,
no día de hoxe querémosvos ofertar unha actividade diferente que poderedes desfrutar online.

Mañá xoves 23 de abril, ás 12h, Uxía Morán activará a súa cámara en Youtube, Facebook e Instagram para festexar o Día do Libro. Ides perdelo?


martes, 21 de abril de 2020

--> M A R C A P Á X I N A S

Boa tarde a todos e todas un día máis.
No día de hoxe, querémosvos propoñer, para que enrededes un anaco, a elaboración duns marcapáxinas personalizados e personalizables para que non esquenzades en que páxina do libro ides, por se hai algún desmemoriado por aí!

Deste xeito, podedes elaborar uns marcapáxinas ben chulos coa técnica do Origami, como podedes ver no seguinte video: 

Se pola contra, na casa temos moitos papeis de diferentes tipos e non os queremos tirar, sempre se lles pode dar un novo uso transformándoos en xeniais marcapáxinas: 


E para os que teñades máis paciencia, a última proposta consiste en facer un marcapáxinas aínda máis elaborado. Ollo, pode facerse igualmente con materiais reciclados que se teñan na casa!





lunes, 20 de abril de 2020

Cóntame un conto!

Bo día amigos, hoxe queremos lanzar unha proposta para o alumnado de 4º, 5º e 6º, así como as familias dos cursos de Infantil, 1º, 2º e 3º.

É ben sinxelo, só tedes que escoller un conto e facer un video onde vos poñades diante da cámara para levar o contacontos a cabo. Pode ser o conto que prefirades, preferiblemente en galego ou castelán, aínda que se alguén se atreve cun en inglés, será ben recibido. 

Outra alternativa moi interesante, sería que vós mesmos inventárades un conto e nolo contárades. Seguramente tedes ideas xeniais! Moito ánimo e a inventar!!

Estes vídeos serán colgados neste blogue para a súa visualización por parte de todos os compañeiros e compañeiras da escola.

Os vídeos podedelos enviar ó enderezo mail da biblio pepedexanbiblio@gmail.com e iremolos colgando como mostra da vosa participación e involucración.


miércoles, 15 de abril de 2020

15 de abril, Día Mundial da Arte

No día de hoxe, 15 de abril, celébrase o Día Mundial da Arte e por este motivo, dende a Biblio querémosvos propoñer un pequeno reto para enredar un pouco esta tarde.

Gustaríanos que, con materiais reciclados que atopedes pola vosa casa, fagades unha pequena obra de arte. Pode ser un cadro, un collage, unha escultura, unha figura, o que á vosa imaxinación se lle ocorra. Cando a teñades lista, sacadelle unha fotiño e subidea en forma de comentario a este post indicando o voso nome e o curso. Senón, tamén nola podedes enviar ó noso mais pepedexanbiblio@gmail.com 

Por certo, non vos esquezades de poñerlle un título á vosa obra!!

jueves, 2 de abril de 2020

2 de abril, Día Internacional do Libro Infantil

No dia de hoxe celébrase o Día Internacional do Libro Infantil coincidindo co aniversario do nacemento do escritor Hans Christian Andersen, autor de moitas obras entre as que podemos destacar O Patiño feo, O Soldadiño de Chumbo, O traxe novo do emperador ou a Raíña das Neves, entre outros.


Por este motivo, dende a biblio propoñémosvos o seguinte. 

Mandádenos un correo electrónico ó noso mail pepedexanbiblio@gmail.com co voso nome e apelidos, o voso curso, o título do libro de Andersen que máis vos gusta e unha breve explicación (dúas liñas). 

Logo faremos un ranking dos máis repetidos e subiremos un post con aquelas aportacións que máis nos gustaron.

lunes, 30 de marzo de 2020

Lectura, enriquecedora da mente!

Queridas familias, ademais da publicación anterior, onde se vos ofrecen diversas lecturas, non queremos deixar escapar a oportunidade de poñer á vosa disposición o Catálogo da Rede de Bibliotecas Públicas de Galicia no que poderedes atopar obras escritas e películas en galego para o seu uso e desfrute e, así, ocupar un pouco máis o tempo. 

A continuación deixamos os enlaces para ambos os catálogos e que así vos sexa máis doado chegar a eles: 


#yomequedoencasaleyendo

Boa tarde familias, afrontamos esta terceira semana de confinamento con máis propostas para enredar o tempo un pouquiño máis.

Deste xeito, dende a editorial Pintar Pintar poñen á nosa disposición un catálogo de lecturas seleccionadas para todos os cursos para distraernos un pouco do mundo real mediante a lectura que nos evade a mundos fantásticos e imaxinarios nos que podemos ser libres.

Pinchando no seguinte enlace, poderedes acceder a dita selección de obras: 

viernes, 27 de marzo de 2020

Cirque du Soleil, para todos e todas!

Queridos lectores, o Cirque du Soleil, no seu intento por aportar o seu gran de area, acheganos o seu espectáculo ás nosas pantallas nunha producción de aproximadamente unha hora para que pequenos e maiores desfrutedes xuntos nos vosos sofás, como se estiverades en primeira fila neste fascinante show.

O shoe ten como hora de comece as 20h, en horario nacional.

Na páxina El Mundo Metropoli podedes atopar máis información sobre o espectáculo. Con todo e para facilitarvos o traballo, a continuación deixámosvos o enlace directo á plataforma na que será colgado o vídeo do espectáculo: CirqueConnect

27 de marzo, Día Mundial do Teatro

Coa conmemoración no día de hoxe do Día Internacional do Teatro, querémosvos ofrecer unha representación da obra A galiña azul de Carlos Casares para que poidades pasar un anaco algo máis entretidos. No seguinte enlace poderedes acceder ó video directamente:


Cuentos para quedarse en casa

Boa tarde lectores,
no día de hoxe querémosvos propoñer un conxunto de lecturas tituladas Cuentos para quedarse en casa de Eloy Moreno. 

Este autor pon á nosa disposición unha serie de lecturas gratuítas para estes días de encerro que poden ser descargadas en Kindle Amazon ou na páxina web do autor www.eloymoreno.com

De todas formas, aquí vos deixamos o enlace directo para que vos sexa máis doado atopalo:


martes, 24 de marzo de 2020

Conto Coronavirus #QuedaNaCasa

Bo día queridos lectores, no día de hoxe queremos deixarvos un breve recordatorio en forma de conto dalgunhas pautas a seguir para todos xuntos vencer o coronavirus.


E lembrade, #QuedaNaCasa

lunes, 23 de marzo de 2020

Rosa contra el virus!

Finalmente, por hoxe aportamos un conto sobre o coronavirus para subir un pouco os ánimos nestes días encerrados na casiña.

https://es.calameo.com/read/0061864355b03a8045f03

MMMMMMM... ioga!

Boas, outra das nosas propostas é a de poñernos en sintonía con nós mesmos, relaxarnos con boa música e estirar os músculos e ósos dos nosos corpiños, parados e medio durmidos de non poder saír pasear. Deixámosvos este regaliño para que comecedes a vosa andaina no mundo do ioga!


Expresémos os nosos sentimentos...

Boa tarde benqueridos lectores. No día de hoxe propoñémosvos reflexionar un pouquiño e expresar os vosos sentimentos, algo moi importante neste tempo de encerro pola nosa saúde psicolóxica. Para isto, tomamos como referencia un post do instagram de @teach.gram que nos anima dandonos unhas pautas.

A nosa proposta é que fagades a vosa propia plantilla, en galego ou en castelán, e respondades a este post cunha foto de cada unha que creedes.

Podedes atopar a publicación no seguinte enlace: https://www.instagram.com/p/B-C9QpACYYW/?igshid=1pct8p17avs7z

viernes, 20 de marzo de 2020

Un poema na túa voz.

Dende a Asociación Galega do Libro Infantil e Xuvenil GALIX, e en relación coa celebración do Día Internacional do Libro Infantil, presentan este concurso Un poema na túa voz, para que todos os nenos e nenas, ao igual que as familias, poidan participar a distancia mediante a gravación da lectura dun poema.

Podedes atopar máis información relacionada co concurso (premios, bases, xurado) no seguinte enlace: http://www.galix.org/2020/03/por-mor-das-circunstancias-excepcionais.html?m=1

Concurso #SantaCombaQuedaNaCasa

No día de hoxe facémonos eco da proposta da Concellería de Culura, Deportes, Educación, Formación e Xuventude de Santa Comba, con motivo de FOMENTAR A ESTANCIA NAS CASAS durante o período de Estado de Alarma actual, polo que organizan o concurso interactivo #SantaCombaQuedaNaCasa de VIDEOS para rapaces e rapazas de 3 a 14 anos, así como para as súas familias.
BASES:
  • TEMÁTICA:
  1. A temática terá relación co fomento da actividade familiar NAS CASAS durante este periodo extraordinario de corentena.
  2. Os videos poderán amosar actividades diarias dos rapaces e rapazas coas súas familias na casa: estudo, aprendizaxes varios, exercicio e deporte, mostras de animo e apoio colectivos que teñen especial traballo durante estas dificiles datas...
  3. Os vídeos deben ser orixinais, e non sobrepasar os 2min de duración.
  4. Os vídeos serán publicados polos pais, nais ou titores co cancelo #SantaCombaQuedaNaCasa, etiquetando as redes sociais do Concello de Santa Comba en Facebook SANTA COMBA Info+, e en Instagram @santa_comba_info
  • PRAZO DE PRESENTACIÓN:
O prazo será dende o venres 20 de marzo ata o domingo 29 de marzo.

  • XURADO:
Os 2 videos que máis "gústame" acaden serán os gañadores.

  • PREMIOS:
1º Mellor vídeo: lote de libros de temática infantil e xuvenil en galego.
2º Mellor vídeo: lote de material deportivo variado.

  • DEREITOS:
Os traballos presentados pasarán a ser propiedade do Concello de Santa Comba, e os autores dan consentemento para poder presentalos na web municipal e nos soportes habituais.

  • ACEPTACIÓN DAS BASES:
A participación no concurso supón a aceptación destas bases.

miércoles, 18 de marzo de 2020

Actividades sen pantallas!

Hoxe querémosvos propoñer varias alternativas para enredar un pouco pola casa sen necesidade de empregar ningún aparello dixital. Estas propostas sirven par apotenciar a vosa creatividade ademais de pasar o tempo xuntos en familia:
  • Busca unha foto de cando eras máis pequeno, da túa infancia. Tes bos recordos relacionados con esa foto? Escribe sobre iso. Papás e mamás, podedelo facer tamén e así contarlle algunha anécdota ós cativos e cativas de cando vós erades coma eles.

  • Escolle un xogo de mesa, deses que xa tes controlados e cambialle a regras do xogo. Escribe nun papel como eran antes e como son agora. Probade a xogar e, é maís divertido agora ou antes?

  • Outra proposta e que sexades arquitectos e arquitectas por un día. Debuxade un plano da vosa casa (non ten que ser perfecto). Escribe cal é a túa habitación favorita; aquela na que pasas máis e menos tempo; que lle cambiarías a algunha habitación; ou se engadirías ou quitarías algo da túa casa...

  • Finalmente, podedes ser entrevistadores por un día. Só precisades chamar ós avós e avoas que vivan lonxe, ós primos e primas, ou a algún familiar ou amigo que xa fai que non vedes. Failles unha pequena entrevista e despois redáctaa. Non te lembres de presentar ó teu entrevistado ou entrevistada!

Propostas recollidas do perfil de instagram @whattheteacherlearned

Regletas para todos: familias, alumnado e profes!

No día de hoxe, achegamos un novo pasatempo. Marcos Marrero Cárdenas ofrécenos na súa canle de Youtube un interesante vídeo sobre o uso das regletas nas matemáticas. Non o podedes perder!

O vídeo comezará sobre as 17.30h da tarde e conta cunha duración aproximada dunha hora e media!


martes, 17 de marzo de 2020

RECURSOS LÚDICOS PARA TEMPOS ÚNICOS

Dende o equipo de Biblio e do resto da escola, querémosvos achegar algúns recursos lúdicos para poder pasar mellor o tempo durante esta época de cuarentena e que así sexa máis levadeira.

Para os máis peques propoñemos a película en galego Cocorico:


                          https://www.youtube.com/watch?v=n8zoAcCJaaM&feature=youtu.be

Ademais, para facer en familia, presentamos un Titorial de Origami:



Finalmente, e tamén de xeito online, propoñemos unha serie de contacontos diarios nunha canle de Youtube:





8 de marzo, Día Internacional da Muller

Con motivo da celebración e reivindicación da igualdade entre homes e mulleres polo 8 de marzo, na nosa biblio tiveron lugar dous actos que gardan unha estreita relación con este día tan importante.

O pasado venres día 6 de marzo, tivemos a ocasión de acudir a un contacontos proposto dende o concello baixo o nome Contacontos da Igualdade da man d' A Trastenda dos Contos de Caxoto Contacontos.


Ademais, o luns 9 de marzo, baixo o lema Mulleres en todos os ámbitos rendéuselle unha homenaxe a todas aquelas superheroínas e precursoras que foron as primeiras, ou tiveron grande importancia e relevancia, nos seus campos.


Neste acto, relacionado coa importancia e os dereitos da muller, tamén se fixo referencia a Rosalía de Castro pola celebración no día na súa honra o pasado 24 de febreiro.


martes, 18 de febrero de 2020

Día da Radio

O pasado 13 de Febreiro, con motivo da celebración do Día da Radio tivemos a visita dos compañeiros e compañeiras do CRA Novo Mencer.

Nesta xornada de convivencia, comezouse cunha pequena interacción nas aulas de Infantil a 1º e 2º de Primaria para logo reunirnos todos na biblio para un contacontos.



Despois, cedemos o estudo de radio da nosa biblio para que os nenos e nenas do CRA puideran vivir unha experiencia como auténticos locutores e locutoras grabando o seu propio programa de radio en colaboración cos nenos e nenas de 5º do noso cole.




Grazas pola visita, e volvede cando queirades!



martes, 11 de febrero de 2020

11 de febreiro, Día da Muller e da Nena na Ciencia!

No día de hoxe, 11 de febreiro, celébrase o Día da Muller e a Nena na Ciencia. Por este motivo, na nosa biblioteca dispuxemos unha exposicións relacionadas con Mulleres Científicas ou que, de ser o caso, tiveron algunha relevancia importante no eido da ciencia.

Ademais, dende cada titoría, presentóuselle ó alumnado unha figura feminina que tivo repercusión na mundo científico ben por seren as precursoras de cara a igualdade entre homes e mulleres.

martes, 4 de febrero de 2020

30 de xaneiro, Día da Paz e a Non Violencia

Con motivo da celebración do Día da Paz e a non Violencia o pasado 30 de xaneiro, na biblio, estivo preparada unha exposición relacionada co tema. Nela, o alumnado podía ler obras que versaban sobre o bo comportamento e as boas accións en prol da paz, así como as biografías dalguns persoeiros relevantes que gardaban unha relación directa coa temática.