Plano da horta. Observamos o que hai

Facía bo día e decidimos baixar á horta a observar as plantas coas que contamos. Para iso fixemos uns planos nos que fomos apuntando todo. É máis difícil do que parece plasmar todo iso nun folio, pero alí estivemos pelexando coas nosas cabeciñas e coa nosa visión espacial! ;)

SAMAÍN

Polo Samaín, terroríficos obradoiros internivel e certame de debuxos e contos de medo... Atréveste a velo?

Sementamos o naval e recollemos a semente da cebola

Hoxe fomos sementar o naval, é o tempo, de feito case se nos escapa. E de paso que estivemos alí, fixámonos que as cebolas tiñan as flores xa secas e aproveitamos para recollerlle a semente.

24 de outubro. DÍA DAS BIBLIOTECAS e PRESENTACIÓN DO PROXECTO ANUAL

O día 24 de outubro, día das bibliotecas, escoitamos no noso cole, no noticieiro do Pepe de Xan Baña, que o mago Fuco nos convidaba a participar nun novo proxecto de centro relacionado co mundo das plantas. Así investigaremos sobres as árbores do cole, cultivaremos na horta, coidaremos do agasallo que nos dou a cada nivel : unha planta aromática!... E moitas cousas máis.

"TRABA, UNIVERSO VEXETAL". Primeiros produtos da horta

O ano pasado a final de curso deixamos algunha cousa plantada na horta, e este curso xa puidemos recoller os primeiros froitos. Entre eles, algún tomate cherry, cebolas e patacas.
Dos tomates cherry xa demos boa conta, e o resto expuxémolo no corredor. Seguiremos ampliando a mostra ;)

NOVAS ADQUISICIÓNS PARA A BIBLIOTECA. Vinde a coñecelas!!

Hoxe adquirimos novos fondos para a biblioteca. Estes son algúns exemplos dos libros mercados. Agardamos que vos gusten! Vinde a coñecelos!

OUTONO. Tradicional exposición de espigas

Como cada ano, polo outono, chega a tradicional exposición de espigas. Este ano, para vinculalo co proxecto, propúxose que fosen decoradas integramente con elementos vexetais.
Coma sempre, as nosas familias fixeron un alarde de creatividade. Xeniais!

XORNAL "O PAPAGAIO". Nova publicación periódica en galego na biblioteca.

Nace un proxecto editorial novidoso: O PAPAGAIO. Un xornal escolar mensual, co obxectivo de achegar aos nenos e nenas de todo o país toda esa información que adoitan ver e escoitar decotío, pero dun xeito máis apropiado ás súas idades e ás súas inquedanzas, nun formato novidoso como é un xornal.

O primeiro número xa chegou á nosa biblioteca. Agora xa podedes mantervos informad@s sobre a  actualidade!

Comezamos cos contacontos na sala Castelao

Hoxe, venres, un primeiro grupo do centro comeza coa lectura e o contacontos na nosa Sala Castelao. Xa desexabamos ter esas escefinicacións que tanto nos agradan! Ahí van algunhas fotos.

NOVIDADES!! Fondos con ampliación de contidos a través de códigos QR

Aproveitando que o ano pasado a final de curso se mercou unha tablet para a biblioteca, en algúns libros comezaron a aparecer uns códigos cadrados chamados códigos QR. Xa nos ensinaron que na tablet hai unha aplicación que é quen de leelos e levarnos á páxina enlazada. Gracias a este sistema, podemos escoitar a canción de "Corre, corre, cabaciña" ou ver a curta de "A bruxa regañadentes" despois de ler os libros.

Para as familias, estes libros están de momento na biblioteca para acostumarnos ao uso da aplicación, pero en canto poidan comezar a formar parte do préstamo habitual, podedes baixar un "lector de códigos QR" para os vosos teléfonos intelixentes. Así poderedes gozar en familia dos contidos asociados. No cole estamos encantados!

A BIBLIO ABERTA TAMÉN POLAS TARDES DE 4:15 a 5:15!!

Aquí a tedes, a biblioteca a pleno rendemento tamén polas tardes. Dende o mes de outubro ata o de maio, ambos incluídos, poderedes disfrutar tamén da biblioteca polas tardes de 4:15 a 5:15.
Agardamos que a disfrutedes ;)

INAUGURACIÓN DA BIBLIOTECA!!

Por fin! Despois de todo o traballo feito, por fin está lista para disfrutar dela. Hoxe inaugurámola. As colaboradoras foron as encargadas de conducir o evento, e todos os nenos e nenas que nos acompañaron leváronse algún agasallo que outro. Daba gusto ver a biblioteca a rebosar de cariñas felices. Xa tiñamos ganas de que abrira!


inauguración da biblioteca by Slidely Slideshow