Chegou o día de lucir os disfraces no desfile e así o fixemos! Subimos con moita ilusión ao autubús para ensinar as nosas galas a todo o pobo de Santa Comba. Desfilamos xunto cos nosos amigos e amigas do Ceip Plurilingüe Barrié de la Maza e do CPR Plurilingüe Nuestra Señora Inmaculada. Feliz Entroido!
A cantautora arzuana MJ visitou o noso centro para deleitarnos coa súa fermosa música, grazas a iso puidemos coñecer de cerca a súa historia e a motivación para loitar polo que lle gusta. Coa súa visita quixemos facer unha pequena a homenaxe a Rosalía de Castro e de paso a tódalas mulleres que perseguen os seus soños.
Grazas pola túa música MJ!
Os nenos e nenas de Primaria do noso centro emitiron desde a Radio Fuco da Biblioteca dous podcast en homenaxe a Rosalía de Castro. Escoitade con atención porque aprenderedes moito sobre a nosa grande escritora.
A vida de Rosalía (alumnado de 1º e 2º)
Celebramos o 188 aniversario de Rosalía de Castro elaborando e degustando o seu célebre Caldo de Gloria inspirado no poema "Miña casiña, meu lar" recollido en Follas Novas. Acompañamos este delicioso caldo co tradicional "bolo de pote".
O noso alumnado estivo na cociña coas cociñeiras Lupe e Carmen detallando os ingredientes do Caldo e vendo como proceder á súa elaboración. Tamén prepararon as mesas cun mantel especial, feito na honra de Rosalía e como homenaxe ao Caldo de Gloria.
Chegado o momento da degustación, todos os nenos e nenas do centro puideron escoitar con atención o poema de Rosalía para logo poder deleitarse neste manxar tan exquisito.
Que aproveite amigos e amigas! Feliz día Rosalía!
