RETO ÑAM 1 EN INFANTIL: OS ALIMENTOS

O Mago Fuco pasou polas aulas de Infantil e deixounos un sobre cunha petición moi especial, o noso primeiro reto do proxecto ÑAM!

Estivemos moi emocionados con esta sorpresa e axiña nos puxemos mans á obra intentando responder ás preguntas que nos plantexou o Mago Fuco. 

• Para que serven os alimentos?
• Por que é importante comer?
• De onde saen os alimentos?
• Por que hai moitos alimentos que comemos cociñados?
• Como os cociñamos? E que utilizamos para facelo?

A verdade é que intentamos respostalas todas, algunhas con maior acerto e outras con respostas moi ocorrentes e simpáticas. 

Aproveitando a nosa investigación sobre os alimentos fixemos unha pequena degustación e clasificación dos froitos do outono, valorando se son doces ou amargos, observando a súa cor e características ademais de valorar cales nos gustan mais.