Como cada ano comezan as lecturas da Sala Castelao, por parte dos nenos e nenas, e fano co conto “Leopoldo e Casilda”. Non esquezades que quen queira (pais, nais, avós, avoas, profes, primos...) pode vir a deleitarnos cun conto!!
domingo, 8 de noviembre de 2015
SAMAÍN!!
Con motivo do Samaín foron moitas as actividades levadas a cabo no centro. Entre elas, a tradicional exposición de cabazas terroríficas
Uns talleres do máis monstruoso: maquillaxe, cociña, carautas e cabaciñas de la foron os escollidos este ano.
Demos coma sempre lectura e visionado aos debuxos e relatos gañadores do Certame de debuxos e relatos do samaín
Cantamos todos xuntos unha fantasmagórica canción que preparamos en música todo o cole e que poñía os pelos de punta do ben que o fixemos
E tivemos toda a semana un aterrador recanto de lectura no que disfrutar de distintas lecturas de medo.
Presentación do proxecto: "25 ANOS DO PEPE DE XAN BAÑA"
Este ano cúmplense 25 anos do centro e queremos celebralo estudando a historia escolar das nosas familias. Para iso, o Mago Fuco citou aos nenos na Sala Castelao e deixoulle unha mensaxe ben clara.
Como o obxectivo final é a elaboración dun documental, o Mago Fuco enviou para cada clase un libro de consulta sobre o proceso audiovisual coa finalidade de ir comezando a pescudar.
24 de outubro. DÍA DA BIBLIOTECA
O 24 de outubro celébrase o día da biblioteca. Posto que este ano cadraba nun sábado, decidimos trasladalo ao venres 23, e con motivo deste día foron varias as actividades de celebración.
Por un lado, presentouse o tema das Bibliotecas Escolares de Galicia “BIBLIOTECA ESCOLAR, BASE DE EXPLORACIÓNS”. Rescatamos o escrito no blogue das mesmas:
“O lema "Biblioteca escolar, base de exploracións" chama a traballar coa información, a mirar fóra, a facerse preguntas e pescudar posibles respostas, a interesarse polo outro, polo diferente, polo alleo; a estudar xeografías e inventar rutas para novas aventuras; a coñecer as viaxes que fixeron os grandes exploradores e aquelas outras que, cada día, bota ao camiño a milleiros de persoas na procura dun mundo máis xusto. Convida a explorar o mundo e a compartir o aprendido.”
Con este motivo fixemos unha mesa de exploracións, con distintos agasallos para os nenos e nenas do cole, na que tamén tiveron ocasión de recoller as súas mochilas viaxeiras.
Como colofón final a este día, o Mago Fuco citounos na sala Castelao para a presentación do proxecto, pero iso xa é tema de outra entrada.
Que día tan emocionante!!
Novo equipo de colaborador@s
Coma todos os anos, algúns nenos e nenas de 5º e 6º bríndannos a súa importantísima axuda e colaboración. O equipo deste ano está formado por 12 persoas, coa súa quenda de recreo correspondente e a súa zona de biblioteca asignada, que deberán mimar con moito esmero.
Podedes velos aquí en acción, elaborando carteis de animación á lectura e preparando as etiquetas para o rexistro dos fondos. MOITAS GRAZAS COLABORADOR@S!!
CURSO 2015/2016. ABRIMOS A BIBLIOTECA!
Dende o 1 de outubro, a biblioteca funciona xa a pleno rendemento. Lectura de lecer, préstamos, investigacións, curiosidades… A biblioteca está aí para vós, para todo o que queirades. Disfrutádea!
lunes, 22 de junio de 2015
Grecia e o clima Mediterraneo. 5º e 6º de Primaria
Presentación empregada polos nenos e nenas de 6º de Primaria para a comunicación do investigado en torno ao clima mediterráneo e Grecia, enmarcado no proxecto de centro "A volta ao mundo II. Climas e hábitats" no curso 2014-15
E xogo preparado polos nenos e nenas de 6º de Primaria para a presentación
E xogo preparado polos nenos e nenas de 6º de Primaria para a presentación
Suscribirse a:
Entradas (Atom)