INAUGURAMOS A APERTURA DA BIBLIO PARA ESTE CURSO 2020/2021

Onte foi o Día das bibliotecas, e para conmemorar dito día comezamos do mellor xeito, inaugurando o curso 2020/2021 coa apertura da nosa biblioteca. 

Faremos a apertura cunha serie de medidas hixiénicas excepcionais, seguindo o Protocolo Covid, debido á situación actual na que nos atopamos. 

Podedes ver as medidas que se levarán a cabo na seguinte imaxe. 

 

 

Samagosto!

Estase achegando o Samaín e como xa estamos en outono, próximamente celebraremos o Samagosto, unha combinación das dúas celebracións.

Para iso realizaremos un concurso de relatos "A morte sen medo".

Tamén realizaremos un concurso de cabazas. Podedes enviar a foto da vosa cabaza ao seguinte correo: 

pepedexanbiblio@gmail.com

E para os de infantil, convocamos un concurso de debuxos de Samaín.

Os Bolechas

 A semana pasada os Bolechas viñeron ao centro a explicarnos o que é o 112 e como se debe empregar.

Braulio e Martín, visitaron a aula de 1º e 2º de Educación Primaria. Aprendemos moito e ata fixemos un rap!

Obradoiro Maker

Hoxe tuvemos a Paola Guimeráns no centro para a realización dos obradoiros de e-textiles. Realizáronse distintos obradoiros co alumnado de 3°, 4°, 5° e 6° de Educación Primaria, entre eles: circuítos e papel, circuítos e-textiles; e makey makey. Todos eles mesturando electricidade, papel ou tea. 

Pasámolo xenial!! 

BENVID@S A UN NOVO CURSO!

Comezamos un curso un pouco diferente debido a situación na que nos atopamos, por iso ata o mes de outubro non abriremos a nosa biblioteca. Estamos traballando para facelo cumprindo as normas de seguridade e agardámosvos con moitas novidades.

Un agarimoso saúdo!

O Papagaio!

Bo día amigos e amigas!

O Xornal da Xente Miúda, O Papagaio, ofrece este mes de xuño unha ampla variedade de lecturas e información que de seguro é do voso interese. Sen facervos moito spoiler, se estades interesados en saber por que os vagalumes alumean pola noite ou vos interesan máis os videoxogos, este é o voso xornal informativo!

Aquí debaixo vos deixamos o enlace para que vaiades dereitiños e sen perda:

 https://www.flipsnack.com/edicionsmoitoconto/o-papagaio-9-xu-o.html

As árbores das familias!

Bo día amigos e amigas!

No día de hoxe queremos amosarvos todo o traballo que, baixo as directrices de Vanesa, a profe de Reli, levastes a cabo para rear as árbores xenealóxicas das vosas familias. Algo tan importante para vós como para nós, por pertencermos todos á mesma comunidade educativa. 

Botádelle unha ollada, veredes que chulos quedaron!