O alumnado de 3º ciclo de Primaria converteuse por un día nun auténtico equipo de repostería ao máis puro estilo británico. Na aula de Inglés, mergullámonos de cheo na cultura do Afternoon Tea elaborando a nosa propia receita de scones, os tradicionais biscoitos ingleses que non poden faltar a esta hora do día.
Máis alá de practicar vocabulario (ingredients, bake, mixing...) e coñecer as tradicións dos países de lingua inglesa, esta proposta serviu para poñer en práctica o noso proxecto interdisciplinar de centro a través dos Obxectivos de Desenvolvemento Sostible (ODS).
A través da aprendizaxe manipulativa (learning by doing), o alumnado traballou a Educación de Calidade (ODS 4) cunha experiencia contextualizada e viva. A Saúde e Benestar (ODS 3) tendo en conta o consumo responsable da repostería caseira fronte á industrial, sen esquecer a importancia da Produción e Consumo Responsables (ODS 12) mediante a cociña sen desperdicio e o aproveitamento dos recursos na aula.
O resultado? Foron todo un éxito! Non só quedaron deliciosos, senón que o pasamos en grande aprendendo xuntos, traballando en equipo e conectando a lingua estranxeira co compromiso por un mundo máis sostible.
No hay comentarios:
Publicar un comentario