🎣 Unha actividade na nosa biblioteca moi especial!

 Na nosa biblioteca tivemos o pracer de recibir a David Arcay, campión do mundo de pesca, que achegou o noso alumnado ao apaixonante mundo desta práctica deportiva.

Ao longo do encontro, as nenas e os nenos de 2º e 3º de ciclo de Educación Primaria, tiveron a oportunidade de descubrir máis sobre a pesca, sobre a natureza, coñecer de preto esta disciplina e escoitar as experiencias dun deportista de referencia. Unha actividade enriquecedora que nos permitiu aprender, espertar a curiosidade e descubrir novas afeccións a través da experiencia directa.

📚 Grazas, David, por compartir connosco os teus coñecementos e experiencias, e por achegar a pesca á nosa comunidade educativa!