A NOVA BIBLIOTECA

Como xa vos anunciamos en anteriores entradas, este curso que comeza vais ser moi especial porque imos a desfrutar dunha nova biblioteca. Unha vez rematada a obra son moitos os detalles que hai que levar a acabo para tela lista, dende recolocar o material ata reubicar os libros e a creación de novos ambientes. 

Dicir que tanto o alumnado coma o profesorado estamos a traballar para rematar o proceso canto antes, pero que aínda nos levará un pouquiño.

Para ir abrindo boca de como será a nova biblioteca, a profe Alicia creou un vídeo que serve de recreación de como será e que serviu tamén para presentar o proxecto!

Desfrutadeo!!!

BENVIDOS AO CURSO 2018-2019

Benvidos ao Cole!
Comenzamos o novo curso, e coma todos os anos sempre no noso cole, dunha maneira lúdica, festiva e emotiva tod@s xunt@s!

Este ani temos dous proxectos entre mans que realzaremos o longo do curso: a mellora do espazo no que convivimos na nosa escola e tamén a NOSA SÚPER BIBLIOTECA NOVAAAAA!!!
Despois dun verán de reformas xa a case a temos rematada, pero como ainda faltan arranxos aínda non vos podemos adiantar nada máis!  Xa vos manteremos informados!

Tendo isto en conta, o primeiro dia de benvida ao cole adicámolo coma todos os anos a realizar os obradoiros en grupos interniveis:

Primeiro Obradoiro: A orientación, para experimentar e coñecer cada lugar do noso patio:

Segundo Obradoiro: Intervención artística mediante a decoración de certos lugares e elementos do noso patio.

Terceiro Obradoiro: Deseño dun Mago Fuco xigante, coa finalidade de expoñelo na porta da entrada da nosa biblioteca.

Cuarto Obradoiro: Xogos populares, desenvolvido no pavillón onde coma sempre se fortalece a convivencia a través dos xogos de antaño.

Pasamos unha mañá estupenda e moi animada, conversando e recordando vellos momentos a vez que pensado en todo o que imos a facer todo este maravilloso ano.

COMEZAMOS, HERE WE GO!!!!!!!!

17 de Maio: Día das Letras Galegas, día da nosa Lingua!

O pasado venres 18 de maio reunímonos todos os membros do colexio para celebrar o día das Letras Galegas que este ano se adicou a María Victoria Moreno.

Ao longo de todo o trimestre nas distintas titorías fóronse traballando cuestións en relación a esta celebración e a poeta a que se lle adicou. Como este ano inauguramos a Radio Fuco creouse un programa especial onde todos os alumnos/as foron vertendo todas as súas achegas.

Todos reunidos na Sala Castelao escoitamos os distintos programas e conversamos da relevancia de facer este tipo de celebracións.

Aquí os tedes para que poidades disfrutar tanto deles coma nós.



Feliz día das Letras Galegas!

XXI Certame " Francisco Añón" de Poesía

Dende hai 21 anos o Concello de Outes organiza o Certame "Francisco Añón de Poesía" onde participantes a partir dos 6 anos ata a adultos poden participar enviado aquelas poesías de autoría persoal que se desexen. Dende o noso colexio, coma todos os anos, as distintas titorías participaron enviando os alumnos/as poemas creados por eles mesmos. Como son moitos os participantes de todo Galicia é moi dificil ser o gañador dalgún deste galardón, pero para nosa sorpresa o noso alumno de 1º de EP, Daniel García Barbeira foi un dos gañadores!!!!!

O pasado día 17 de maio (Día das Letras Galegas) celebrouse un fermoso acto pola tarde onde os premiados recibiron os seus agasallos e leron as súas creacións para todos os asistentes.
Deixamos aquí o poema de Dani que se titula "O meu avó Pepe" para que desfrutedes del.

Moitos parabéns Dani!

Visita de Paco López Barxas

O pasado mércores 16 de maio recibimos no cole a visita de Paco López Barxas que nos veu a falar das súas obras, en concreto de dúas centradas na cidade de Santiago de Compostela.

A través das súas obras Nemo e Sabela polos parques de Compostela e de Sar, Sarela e os monstros de Compostela; Paco fíxonos un divertido percorrido pola historia da cidade de Santiago facendo referencia a emblemáticos lugares e persoaxes así como a grandes obras que se poden ver na cidade.

Despois desta animosa charla e dun turno aberto de preguntas que resultou moi interesante, os alumnos de 4º e 5º prepararon unha entrevista para a Radio Fuco onde profundizaron un pouco na vida de Paco para coñecelo un pouco máis.

Dende aquí queremos dar as grazas a Paco por vir e convidámolo a facernos unha nova vista cando el queira!

"POESÍA E VIOLÍNS" 2ª entrega con Manuel María

Izan e Antía de Primeiro de Primaria recítannos a Manuel María. Escoitade!

"POESÍA E VIOLÍNS" novo programa de Radio Fuco

Achéganse as Letras Galegas e con elas poñemos en marcha un programa de radio adicado ás mesmas, as nosas autoras e autores de poesía.

"POESÍA E VIOLÍNS" é un programa no que iremos recitando distintos poemas acompañándoos de músicas que nos suxiran un estado emocional próximo ao do poema recitado.

Deixámosvos o primeiro programa adicado neste caso a Antonio García Teijeiro e agardamos que vos guste.